A Asociación A Moreniña depende dos donativos para a organización das súas actividades, das que a principal é as Festas da Guadalupe de Rianxo.
Podes colaborar connosco facendo o teu donativo pola cantidade que desexes por calquera dos medios que indicamos máis abaixo.
Pero para poder garantir a organización dunhas Festas da Guadalupe á altura da fama que merecen, establecemos unhas cantidades de referencia coas que podamos acadar o obxectivo orzamentario.
DONATIVOS DE REFERENCIA
Familiar
Cota xeral por vivenda ou familia
Este é o donativo de referencia para cada vivenda da parroquia de Rianxo, de forma que a unidade familiar ou todas as persoas que conviven poidan axudar poñendo a súa parte. Porén, se na mesma vivenda conviven varias familias e teñen a capacidade, o ideal sería que cada unidade familiar achegase a cota completa.
Individual
Cota individual ou reducida
Esta é a cantidade de referencia para persoas que viven soas ou con persoas maiores ou menores ao seu cargo (solteiras, monoparentais…). Esta cota reducida tamén se aplica a parellas ou familias cun único ingreso non pleno (pensionistas con pensións non contributivas, prestacións por desemprego…), etc.
Libre
Achega libre
Quen desexe colaborar economicamente coa nosa asociación e coas nosas festas, pode doar a cantidade que desexe. Se a colaboración acada a cota individual ou familiar, terá dereito aos mesmos agasallos: revista das festas e agasallo conmemorativo.
Estas cantidades que propoñemos son unha referencia. Cada persoa axustarase ás súas circunstancias persoais e económicas.
Como podes colaborar connosco:
Ingreso
Ingreso directo na conta da Asociación A Moreniña
- Por transferencia ou na oficina de ABANCA de Rianxo á conta:
Bizum
Podes facer o teu donativo comodamente por Bizum.
- Tes que usar a opción de Donativos a ONGs ao ID que indicamos:
En efectivo
Se prefires, tes a opción de facer o donativo en efectivo nos lugares designados.
- Nas nosas redes sociais anunciaremos as datas e os lugares nos que estaremos dispoñibles
A prazos
Agora podes dividir o teu donativo en tres cómodos prazos bimensuais!
- Con tarxeta bancaria ou por domiciliación, rexistrándote no servizo APPuntame de Abanca
Agora podes facer o teu donativo a prazos!
Agora podes fraccionar o teu donativo comodamente en tres pagos bimensuais.
Con tarxeta ou con cargo á conta bancaria.
Escolle o Plan familiar (cota completa) ou o Plan individual (cota reducida) e subscríbete.
Cómodo e totalmente seguro.
Escolle un plan e subscríbete:
Plan familiar
Cota xeral por vivenda ou familia
- 3 prazos de 27 euros (81 totais)
- Cargo en conta cada 2 meses
Plan individual
Cota individual ou reducida
- 3 prazos de 17 euros (51 totais)
- Cargo en conta cada 2 meses
- Por exemplo: se te subscribes en abril no Plan familiar, cargaránseche 27 euros nos meses de abril, xuño e agosto. Inclúe 1 euro en concepto de gastos de xestión.
- Se prefires facer un donativo por outra cantidade e dividilo en prazos, podes escoller calquera das outras opcións (Bizum ou transferencia) e facelo manualmente.